Ótvíræð drottning samfélagsmiðlanna, Selena Gomez, er nú komin aftur á stjá en Gomez þurfti frá að hverfa til að takast á við þunglyndi og kvíða en söngkonan hefur talað opinskátt um þá baráttu sína.
Gomez geislaði af heilbrigði og hamingju er hún kíkti út með vinum sínum í Hollywood um helgina. Aðdáendur söngkonunnar eru að vonum afar ánægðir að sjá hana aftur bæði á ferðinni sem og á samfélagsmiðlunum en hún tók sér einnig langt hlé frá Instagram á meðan hún tókst á við þunglyndið.
Sem dæmi um vinsældir Gomez átti hún átta af tíu vinsælustu myndum ársins á Instagram en vinsælasta myndin hennar hlaut tæplega sex milljón „læk“. Geri aðrir betur en fylgjendahópur hennar er nú kominn vel yfir 100 milljónir.
Listann yfir vinsælustu myndirnar má finna hér www.harpersbazaar.com