Paloma Faith orðin móðir

Söngkonan Paloma Faith og unnusti hennar, Leyman Lahcine, eignuðust sitt fyrsta barn á dögunum.

Söngkonan greindi frá tíðindunum á Instagram-síðu sinni, en hún er að vonum himinlifandi með krílið. Fæðingin gekk þó brösuglega og var barnið að lokum tekið með bráðakeisara.

Ekki hefur verið greint frá hvort um pilt eða stúlku sé að ræða, né heldur hvað barnið heitir.

„Eftir erfiðar hríðir sem enduðu í bráðakeisara er ég búin að eignast mitt fyrsta barn og er ég bæði yfir mig ástfangin og himinlifandi. Hvílíkt ferðalag, en læknar, ljósmæður og hjúkrunarfræðingar voru okkur innan handar. Gæska þeirra og einurð var algerlega einstök og er ég auðmjúk eftir þetta allt saman.“

• Blogga um frétt