Jonathan Cheban, góðvinur Kim Kardashian, segir að orðrómurinn um að stjarnan ætli sér að skilja við eiginmann sinn sé ekki á rökum reistur.
„Ég talaði við Kim og Kanye áðan og allir hafa verið að tala um einhverjar sögusagnir varðandi skilnað. Ég hló bara að þessu. Mér finnst þetta fyndið vegna þess að þetta er svo langt frá því að vera satt,“ sagði Cheban í samtali við E! News.
„Ég veit ekki hvernig fólki detta þessar sögur í hug.“
Því er þó ekki að neita að mikið hefur reynt á samband skötuhjúanna undanfarið, en í haust var Kardashian rænd. Á dögunum var West síðan lagður inn á sjúkrahús, en hann hefur glímt við andleg veikindi.
Calm down everyone: Kim and Kanye are NOT divorcing. https://t.co/4pjAeghfaI pic.twitter.com/CgaWczaJZ6
— Kardashians on E! (@KUWTK) December 7, 2016