Leikarinn Liam Hemsworth fagnaði 27 ára afmæli sínu á dögunum. Yngri systir Miley Cyrus, unnustu Hemsworths, varð 17 ára aðeins örfáum dögum fyrir afmælisdag Hemsworths svo þau ákváðu að slá saman í eina sameiginlega afmælisveislu.
Frá þessu greinir E-Online en þar kemur fram að Miley hafi skipulagt veisluna fyrir kærastann, systur sína og vin sinn Wayne Coyne sem einnig á afmæli í janúar. Ekkert var til sparað að því er E-Online greinir frá, m.a. voru allir gestir leystir út með gjafapokum.
Afmæliskakan var skreytt með stöfunum N.W.L. sem er tilvísun í hip-hop hljómsveitina N.W.A. sem var upp á sitt besta á seinni hluta níunda áratugar síðustu aldar. Voru stafirnir upphafsstafir afmælisbarnanna þriggja.