Fékk heilahristing á tökustað

Leikkonan Priyanka Chopra er sögð hafa slasast á tökustað þáttanna Quantico, en samkvæmt frétt Sky féll hún og rak höfuðið í með þeim afleiðingum að hún fékk heilahristing.

Sjónvarpsstöðin ABC sendi frá sér orðsendingu í kjölfar slyssins, en þar var þó ekki staðfest að um heilahristing hefði verið að ræða.

„Það er ótímabært að tjá sig frekar um málið að svo stöddu þar til við höfum fengið frekari upplýsingar. Priyanka var skoðuð af lækni, síðan var hún útskrifuð og er nú heima að hvíla sig í rólegheitum,“ sagði í orðsendingunni.

Talsmaður leikkonunnar hefur greint frá því að hún muni mæta aftur til starfa í vikunni.

• Blogga um frétt