Jennifer Lopez hristi vel upp í samfélagsmiðlunum í vikunni þegar hún birti meðfylgjandi mynd af sér. Er óhætt að segja að hin fjörutíu og sjö ára gamla söng- og leikkona líti óaðfinnanlega út en hún hefur sjaldan verið betur á sig komin líkamlega. Eins og sjá má er Lopez klædd rauðum kjól sem klæðir hana einstaklega vel. Einnig er förðunin afar falleg en Lopez stígur varla feilspor þegar kemur að kjólavali og útliti.
Hátt í 57 milljónir manna fylgja henni á Instagram en þar var mikil ánægja með myndina.
Eins og fram hefur komið að undanförnu eru þau Lopez og Drake að stinga saman nefjum en hann á að hafa gefið henni vænan demantshring um áramótin.