Kanadíski tónlistarmaðurinn Michael Bublé mun ekki vera kynnir á Brit-hátíðinni í næsta mánuði, eins og til stóð, en sonur hans berst við krabbamein.
Frétt mbl.is: Sonur Bublé með krabbamein í lifur
Samkvæmt frétt Mirror eru batalíkur drengsins góðar, en hann gengst nú undir lyfjameðferð.
„Þetta er viðkvæmt mál vegna veikinda Noah. Michael var ekki beittur neinum þrýstingi til að koma fram. Hann er þó alltaf velkominn á Brit-verðlaunin, en það er mikilvægt að hann eyði tíma með fjölskyldu sinni,“ er haft eftir heimildamanni Mirror.