Grínistinn Russell Brand varð faðir á dögunum þegar unnusta hans, Laura Gallacher, ól litla stúlku. Sú stutta hlaut síðar nafnið Mabel.
Brand er hæstánægður í föðurhlutverkinu eins og sjá má í frétt Daily Mail.
„Það er alveg dásamlegt að hafa eitthvað í lífi sínu sem er mikilvægara en maður sjálfur,“ sagði grínistinn í viðtali og bætti við í gamansömum tón, „eitthvað annað en West Ham United“.
Þá segir hann einnig að hið nýja hlutverk hafi breytt viðhorfum hans til lífsins, en Mabel litla er nú orðin tveggja mánaða gömul.