Scott Disick, barnsfaðir og fyrrverandi unnusti Kourtney Kardashian, er nýkominn heim úr fríi frá Costa Rica, þar sem hann slappaði af með fjölskyldunni.

Disick virtist njóta frísins vel, þar sem hann sleikti sólina með Kourtney, systrum hennar og móður. Skötuhjúin, sem eiga þrjú börn saman, voru talin vera farin að stinga saman nefjum á nýjan leik en þau slitu sambandi sínu árið 2015 eftir að upp komst að Disick hefði haldið framhjá spúsu sinni.

Frétt mbl.is: Eru þau byrjuð aftur saman?

Disick var þó ekki fyrr kominn heim frá Costa Rica en hann var búin að koma sér kyrfilega fyrir á ströndinni, með unga konu upp á arminn.

Eins og sjá má í frétt Daily Mail fór vel á með þeim, en hin ónefnda kona kúrði í hálsakoti raunveruleikastjörnunnar.

Vel virtist fara á með Disick og hinni ljóshærðu konu. Skjáskot / Daily Mail

Disick var nýkominn heim úr fríi, þar sem hann slappaði af með barnsmóður sinni og fjölskyldu hennar. Skjáskot / Daily Mail

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt