Ungstirnið og hjartaknúsarinn Justin Bieber er ekki þekktur fyrir það að eiga í vandræðum með að næla sér í stefnumót og hefur hann verið orðaður við hinar ýmsu konur og stúlkur í gegnum tíðina.

Gærdeginum eyddi hann þó einsamall, en það hefur vart farið fram hjá neinum að dagurinn sá var helgaður elskendum og kenndur við Valentínus nokkurn.

Í gær birti söngvarinn fremur dapurlegt myndband á Instagram, þar sem hann lýsti því yfir að það eina sem hann vildi væri einhver til að eyða Valentínusardeginum með. Kappinn eyddi myndbandinu þó fljótlega. Að sjálfsögðu sáu aðdáendur hans þó til þess að það myndi ekki gleymast.

Það má þó gera ráð fyrir því að uppátækið hafi verið gert í góðu gamni, enda hefur söngvarinn verið afar vinsæll hjá kvenþjóðinni. Undanfarið hefur hann til að mynda verið orðaður við Kourtney Kardashian, Sofiu Richie og Hailey Baldwin.

Tengdar fréttir

Justin Bieber

Eru heitustu hjónin í Hollywood að skilja?

• Gagnrýnir hatur og hótanir í garð Hailey Bieber
• Bieber aflýsir aftur tónleikum
• Þess vegna elskar Mariah Carey jólin
• Stjörnum prýdd útför rappara

» Fleiri tengdar fréttir

• Blogga um frétt