Ofurfyrirsætan Chrissy Teigen viðurkennir að hún hafi eitt sinn verið heltekin af þyngd sinni og hafi jafnvel stigið á vigtina nokkrum sinnum á dag.
„Satt best að segja var ég með þyngdina á heilanum. Áður en ég eignaðist barn vigtaði ég mig svona þrisvar á dag,“ sagði fyrirsætan í viðtali við Entertainment Tonight.
Þá segist fyrirsætan hafa vitað hvað hún átti að vera þung á morgnana, í hádeginu og á kvöldin. Eftir að hún varð móðir er hún þó hætt að velta holdafari sínu svona mikið fyrir sér.
„Að verða móðir hefur gefið mér skringilegt sjálfstraust.“