Svölustu stelpu í heimi strítt í æsku

Chloë Sevigny, sem gjarnan er kölluð svalasta stelpa í heimi, greinir frá uppvaxtarárum sínum í nýju viðtali við New York Times. Leikkonan ólst upp í bænum Darien, flestir íbúar bæjarins eru af góðum efnum.

Fjölskylda leikkonunnar hafði þó ekki mikið á milli handanna og segir Sevigny að henni hafi gjarnan verið strítt vegna þessa. Þá segir hún að umhverfið hafi einnig verið sérlega íhaldssamt.

„Foreldrar okkar gáfu okkur ekki BMW-bíla. Við ólumst ekki upp með jafnmikil forréttindi og þekktist í umhverfi okkar.“

Spurð að því hvort hún hafi fundið fyrir stéttaskiptingu segir leikkonan svo vera.

„Já, maður fékk ekki að gleyma henni. Það var mikið um stríðni, foreldrar mínir keyrðu til dæmis um á Hondu og það var mikið gert grín að því,“ segir leikkonan, sem segir uppvaxtarárin þó hafa verið góð.

• Blogga um frétt