Sjónvarpskonan Oprah Winfrey segist ekki harma það að hafa ekki eignast börn með ástmanni sínum til 30 ára, Stedman Graham, enda hafi hún ekki haft þolinmæði í barnauppeldi.
„Þegar fólk var að þrýsta á mig, og segja mér að ég þyrfti að gifta mig, vissi ég að ég væri ekki manneskja sem myndi sjá eftir því að verða ekki móðir,“ sagði Winfrey í viðtali við tímaritið Good Housekeeping.
„Fyrir mig var þetta fullkomið, því ég vildi ekki börn. Ég hefði ekki verið góð móðir því ég hef ekki þolinmæðina sem til þarf. Ég hef þolinmæði til að annast hvolpa,“ bætti sjónvarpskonan við.
Frétt Daily Mail