Pat Adams er ásamt svo mörgum öðrum konum í heiminum mikill aðdáandi leikarans George Clooneys. Samkvæmt The Sun rættist draumur hennar þegar George Clooney heimsótti hana á elliheimilið.
Clooney mætti með kort og blómvönd fyrir Adams sem átti 87 ára afmæli í sömu vikunni. Einn starfsmaður sagði að Adams talaði um Clooney á hverjum degi og því hafi verið ákveðið að skrifa leikaranum og athuga hvort hann gæti séð sér fært um að heimsækja Adams á elliheimilið í Sonning á Englandi.