Mechelle Epps vill fá ríflega 12 milljónir króna greiddar á mánuði frá bráðum fyrrverandi eiginmanni sínum, listamanninum Mike Epps, til að geta séð fyrir sér og 10 og 12 ára gömlum dætrum þeirra. Þetta kemur fram í gögnum sem TMZ hefur undir höndum.
Mechelle heldur því fram að Mike þéni tæplega 400 milljónir króna á ári. Þá hafi hann ekki viljað að eiginkona sín ynni meðan á hjónabandinu stóð og hún sé nú of gömul til að geta fengið vinnu, 36 ára að aldri.
Samkvæmt gögnum TMZ segist Mechelle verja nokkur hundruð þúsund krónum á mánuði í föt og skó fyrir dætur þeirra. Auk þess séu útgjöld vegna matvæla, ferðalaga og skólagöngu veruleg. Mike óskaði eftir skilnaði í janúar 2016 en ekki er búið að ganga frá honum lögformlega.