Ísland tekur sig vel út í nýrri stiklu fyrir Hollywood-myndina Justice League sem birt var í dag. Tökur á myndinni fóru fram á Ströndum síðasta haust en í stiklunni má m.a. sjá leikarann Ben Affleck og Game of Thrones-stjörnuna Jason Momoa.
Á fjórða hundrað manns voru að störfum við tökurnar þegar mest lét. Ofurhetjur eru í fyrirrúmi í Justice League en myndin verður frumsýnd í nóvember.