Veröld/Fólk | mbl | 26.3.2017 | 13:00

Annar í Músíktilraunum

Rappflokkinn Hillingarskipa Reykvíkingarnir Stefán Þór Þorgeirsson, Árni Beinteinn Árnason og Jóhannes Gauti Óttarsson. Fjórða hjól …

Mynd 1 af 8 Rappflokkinn Hillingarskipa Reykvíkingarnir Stefán Þór Þorgeirsson, Árni Beinteinn Árnason og Jóhannes Gauti Óttarsson. Fjórða hjól undir vagninum er Ísarr Nikulás Gunnarsson sem er framleiðandi og umboðsmaður sveitarinnar, en hann verður ekki á staðnum. Þremenningarnir rappa allir og segjast leggja áhersla á texta sem hafa mikla þýðingu og að segja sögur sem fólk getur dregið lærdóm af. Stefán er 24 ára, Árni og Jóhannes 22 átra, en Ísarr er 23 ára.

Hljómsveitarmeðlimir í hljómsveitinni Hljómsveit eru Þorgeir Björnsson bassaleikari, Kristinn Örn Sigurðsson söngvari og trommuleikari og …

Mynd 2 af 8 Hljómsveitarmeðlimir í hljómsveitinni Hljómsveit eru Þorgeir Björnsson bassaleikari, Kristinn Örn Sigurðsson söngvari og trommuleikari og Máni Emeric Primel Steinþórsson gítar- og hljómborðsleikari. Þorgeir er tvítugur, Kristinn 17 ára og Máni 19 ára. Þeir eru allir úr Kópavoginum og segjast byggja allt sitt efni á fjölbreytileika, enda allir hvítir karlmenn.

Mynd 3 af 8 Dagur Bjarki Sigurðsson notar listamannsnafnið Adeptus. Hann er 22 ára Reykvíkinguer og leikur á hljómborð. Hann nefnir framsækna tónlist, klassíska tónlist, jazz-skotna tónlist, ambienttónlist, rokk og metall sem dæmi um tónlistartegundir sem hann sækir innblástur í.

Mynd 4 af 8 Þær Ragnhildur Veigarsdóttir og Ása Bjartmarz kalla sig Pashn. Ragnhildur leikur á Nord electro 5 HP hljómborð og Ása syngur og leikur á ableton push, roli seaboard. Þær eru báðar 22 ára, úr Reykjavík og segjast spila poppaða elektrónísk. Þær stunda báðar nám í Skapandi tónlistarmiðlun í Listaháskóla Íslands.

Mynd 5 af 8 Tríóið Stuntbird and the Present Tense skipa Hafnfirðingarnir Svavar Níelsson söngvari og kassagítarleikari og Magnús Jónsson og Róbert Fjölnir Birkisson sem leika báðir á hljóðgervil og bassa. Stuntbird er listamannanafn Svavars, en þeir Magnús og Róbert kalla sig The Present Tense. Tónlistin er bræðingur af indiefolk og synth hljóðum.

Mynd 6 af 8 Félagarnir í Vasa eru Reykvíkingar á aldroinum frá 20 til 24 ára. Snorri Örn Arnarson leikur á bassa og hljóðgervilsbassa, Bergur Einar Dagbjartsson á trommur, Jakob Gunnarsson á hljómborð og Magnús Jóhann Ragnarsson á hljómborð og hljómgervil. Vasi Hunton syngur. Þeir félagar segjast spila bræðing af jazz, fönki, hiphop og r&b og að þeir sæki innblástur meðal annars til Robert Glasper, Erykah Badu, J. Dilla, D'Angelo og Moses Hightower.

Mynd 7 af 8 Frá Selfossi og úr Hafnarfirði er dauðarokksveitin Devine Defilement. Hana skipa Hermann Snorri Hoffritz, 21 árs, sem rymur og orgar, Árni Hoffritz, 18 ára, sem leikur á gítar, Arek Alejnikow, 20 ára, sem leikur á bassa, og Stefán Friðriksson, 21 árs, sem leikur á trommur. Þeir segjast stefna á heimsyfirráð.

Mynd 8 af 8 Stöllurnar Katla Vigdís Vernharðsdóttir og Ásrós Helga Guðmundsdóttir eru frá Suðureyri við Súgandafjörð og og Núpi í Dýrafirði. Katla, sem er 14 ára, leikur á hljómborð og syngur og Ásrós leikur á xylófón og syngur líka. Katla semur lögin og textana.

Hljómsveitakeppnin Músíktilraunir hófst í Hörpu á sunnudagskvöld og heldur áfram í kvöld og verður fram haldið næstu daga. Á sunnudag kepptu átta hljómsveitir um sæti í úrslitum og í kvöld keppa átta til.

Keppnin hefst kl. 19.30 hvert kvöld. Tvær hljómsveitir komast í úrslit hvert kvöld, eina velja áheyrendur og eina velur dómnefnd. Úrslitin verða 1. apríl.

Hljómsveitirnar sem hreppa efstu sæti keppninnar hljóta hljóðverstíma og ýmislegt annað góss í verðlaun, einnig fá frambærilegir hljóðfæraleikarar viðurkenningar.