George Clooney er ekki hræddur við að takast á við föðurhlutverkið. Hann segir reynslu úr Bráðavaktinni eiga eftir að koma að góðum notum.
E! Online greinir frá því að Clooney hafi verið staddur við kynningu á myndinni Suburbicon þegar hann var spurður hvort hann væri byrjaður að æfa sig. Var leikarinn fljótur til svara: „Bíddu aðeins, ég lék barnalækni í Bráðavaktinni. Þannig að ég veit hvernig á að vinna með börn, ef eitthvað kemur fyrir þá er ég maðurinn.“
Clooney á von á tvíburum með lögfræðingnum Amal Clooney og verða það fyrstu börn þeirra beggja.