Kálfi bjargað upp úr sundlaug

það þurfti að halda kálfinum með reipi áður en slökkviliðið ...
það þurfti að halda kálfinum með reipi áður en slökkviliðið kom. skjáskot/Mirror

Martin Bigge og fjölskylda hans tóku eftir því eitt kvöldið að ókunnugur kálfur kom askvaðandi inn í garðinn þeirra og steyptist ofan í sundlaugina. Bjarga þurfti kálfinum frá drukknun og draga hana upp. 

Mirror greinir frá því að Bigge fékk nágranna sinn til þess að koma með reipi og hjálpa sér að draga kálfinn upp á meðan þeir biðu eftir slökkviliðinu. Eftir um klukkutíma ofan í vatninu náðu slökkviliðliðsmennirnir kálfinum upp úr lauginni. 

„Kálfurinn virtist vera í fínu lagi þegar hann komst upp úr,“ sagði Bigge. „Ég held að þessi hafi viljað fá sér að drekka eða eitthvað.“ Eigandi kálfsins kom síðan og sótti hann og fór með hann aftur út í haga. 



mbl.is