Ásgeir vinsæll í Ástralíu

Tónlistarmaðurinn Ásgeir Trausti Einarsson eða Ásgeir eins og hann kýs að kalla sig var staddur í Ástralíu á dögunum til að kynna væntanlega plötu sína, Afterglow, sem kemur út 5. maí. Þar heimsótti hann meðal annars Triple J útvarpsstöðina og tók ábreiðu af rapplaginu Love$ick með tónlistarmanninum Mura Masa frá Guernsey. 

Ábreiðan hefur notið mikilla vinsælda og mikið verið líkað við hana og henni deilt á Facebook. 

Ásgeir heldur aftur til Ástralíu í júlí þar sem hann spilar meðal annars á tónleikum í Sydney, Melbourne og Perth. Þaðan er ferðinni heitið til Suður-Kóreu og Japan þar sem hann mun spila á stórum tónlistarhátíðum. 

• Blogga um frétt