Leikarinn Jesse Williams og fasteignasalinn Aryn Drake-Lee standa nú í skilnaði samkvæmt E! Online en hjónin giftu sig í september árið 2012. Hjónin eiga saman dótturina Sadie sem er þriggja ára og soninn Maceo sem er á öðru aldursári.
Williams og Drake-Lee kynntust í New York þar sem Williams starfaði sem kennari. „Ég var kennari þegar ég hitti hana, þannig að hún hefur verið með mér í gegnum alls kyns tímabil á ferli mínum. Hún hefur verið við hlið mér í gegnum súrt og sætt,“ sagði Williams árið 2010.