Beyoncé birti nýja mynd af sér á Instagram og miðað við stærðina á óléttukúlunni er ekki annað að sjá en að það sé farið að styttast í settan dag. Á sama tíma var George Clooney bannað að fara á sína verðlaunaafhendingu vegna þess að stóri dagurinn hjá honum og Amal Clooney nálgast.
George og Amal Clooney eiga von á tvíburum á næstunni rétt eins og tónlistarfólkið Beyoncé og Jay Z. Daily Mail greindi frá því að Amal hafði bannað leikaranum að fara á athöfn þar sem mannréttindaverðlaun voru afhent en leikarinn er einn stofnandi verðlaunanna.
„Ég vildi að ég hefði verið þarna en ef ég hefði komið og konan mín ætti tvíburana á meðan ég væri í burtu kæmist ég aldrei aftur heim,“ sagði hann í myndabandsskilaboðum á verðlaunaafhendingunni.