Fótspor keppir á Alþjóðlegu barnakvikmyndahátíðinni í Giffoni

Íslenska stuttmyndin Fótspor mun taka þátt í „GENERATOR +10“-flokki stuttmynda á Alþjóðlegu barnakvikmyndahátíðinni í Giffoni á Ítalíu og keppir þar um „Gryphon-verðlaun“. Hannes Þór Arason leikstýrir myndinni og framleiðir ásamt Arnari Benjamín Kristjánssyni. 

Fótspor fjallar um samband afa við barnabarn sitt og hvernig þeir brúa kynslóðabilið í gegnum knattspyrnu. Mynd/Fótspor

Hátíðin er ein sú stærsta sinnar tegundar en um 100-200 þúsund manns sækja hátíðina ár hvert. Myndin verður ein af átta sem keppa um verðlaunin en hún fjallar um samband afa við barnabarn sitt og hvernig þeir brúa kynslóðabilið í gegnum knattspyrnu. Sigurður Skúlason og Elías Óli Hilmarsson fara með aðalhlutverkin. Tinna Hrafnsdóttir, Þorsteinn Guðmundsson og Hlynur Þorsteinsson eru í öðrum hlutverkum.

Myndin mun taka þátt í „GENERATOR +10“-flokki stuttmynda á Alþjóðlegu barnakvikmyndahátíðinni í Giffoni á Ítalíu og keppir þar um „Gryphon-verðlaun“. Mynd/Fótspor

Hannes Þór segir í tilkynningu að teymið sé alveg í skýjunum enda Giffon-kvikmyndahátíðin ein sú allra stærsta í flokki barnamynda. „Þetta er sérstaklega ánægjulegt þar sem myndin var gerð fyrir mjög lítinn pening og hlaut enga opinbera styrki. Við erum vongóðir að þetta muni opna fyrir okkur margar dyr að öðrum hátíðum og sjónvarpssölum.“

 Hægt er að fræðast meira um kvikmyndahátíðina hér. 

Myndin mun taka þátt í „GENERATOR +10“-flokki stuttmynda á Alþjóðlegu barnakvikmyndahátíðinni í Giffoni á Ítalíu og keppir þar um „Gryphon-verðlaun“. Mynd/Fótspor

• Blogga um frétt