Glaumur og glys á Glastonbury-hátíðinni

Hliðin að hátíðarsvæði Glastonbury-tónlistarveislunnar voru opnuð á miðvikudag og þá tók gesti að streyma að. Von er á um 175 þúsund gestum í ár. Meðal flytjenda á hátíðinni eru Radiohead, Ed Sherran, Foo Figthers og fleiri.

Hátíðin er sem fyrr haldin við Worthy-sveitabænum í Sumerset á Suðvestur-Englandi. Öryggisgæsla er meiri í ár en hingað til hefur þekkst vegna fjölda hryðjuverkaárása í Bretlandi síðustu mánuði.

Tónlistaratriði eru flutt á sjö stórum sviðum á hátíðarsvæðinu. Tjaldborgir hafa risið hratt og biðraðirnar í sturturnar lengst dag frá degi. „Allir eru komnir til að skemmta sér grimmt,“ segir Michael Eavis, stofnandi hátíðarinnar.

Fyrsta Glastonbury-hátíðin var haldin árið 1970. Þá mættu um 1.500 gestir. Hátíðin er nú ein sú stærsta og vinsælasta í heimi.