Söngvarinn Pharell Williams á fullt í fangi með sex mánaða gömlu þríburana sína og greindi frá því í viðtali við Jimmy Fallon hvernig hann og kona hans, Helen Lasichanh, takast á við uppeldið.
„Þetta er bara færibandavinna,“ sagði Williams sem bætti við að börnin þrjú væru öll heilbrigð.
Hann grínaðist einnig með það að börnin raddsettu grát sinn, þegar eitt byrjar að gráta, þá byrjar næsta aðeins á eftir og svo næsta á eftir því.
Hjónin, sem eru búin að vera gift í fjögur ár, eignuðust þríburana í janúar en hafa ekki gefið upp kyn eða nöfn þeirra.
Þau eiga einnig saman soninn Rocket Ayer sem er átta ára.
.@Pharrell Williams has his hands full with his new triplets! #FallonTonight pic.twitter.com/EcZeI3ZbxW
— Fallon Tonight (@FallonTonight) June 27, 2017