Kate Winslet og Leonardo DiCaprio hafa verið nánir vinir síðan þau léku saman í Titanic sem kom út fyrir 20 árum. En þau nutu þess að vera saman í fríi fyrir stuttu í Frakklandi þar sem að DiCaprio á hús.
Ef marka má myndir sem Daily Mail birti má sjá að stjörnurnar voru ansi innilegar en þau létu fara vel um sig á sundlaugarbakkanum þar sem þá sáust meðal annars halda utan um hvort annað. En Winslet fór til Saint Tropez í Frakklandi til þess að vera viðstödd góðgerðarkvöld á vegum góðgerðarfélags DiCaprio.
Aðdáendur leikaranna frá Titanic árunum vona eflaust að Winslet og DiCaprio finni ástina einhvern tíman en DiCaprio hætti nýlega með fyrirsætunni Ninu Agdal. Winslet er hinsvegar gift Ned Rocknroll, frænda Richard Branson.