Knúsar kærastann er hann spilar tölvuleik

Tónlistarmaðurinn the Weeknd birti mynd af sér með söngkonunni Selenu Gomez í gærkvöldi þar sem þau áttu rólegt sunnudagskvöld heima hjá sér. 

Á myndinni situr Gomez í kjöltu hans þar sem hann situr í sófanum og spilar tölvuleik. Undir myndina skrifaði söngvarinn svo „home“ eða heima. 

Í bakgrunni sést í tvo diska fulla af pítsusneiðum og má því ætla að parið hafi ákveðið að hafa það rólegt og gott heima hjá sér það kvöldið en á myndinni er Gomez skælbrosandi í svartri hettupeysu.

Gomez og Weeknd sáust fyrst saman á stefnumóti á veitingarstað í janúar og hafa verið mikið í sviðsljósinu síðan. Þó svo að mörg Hollywood-pör vinni mikið í því að fela sambönd sín fyrir fjölmiðlum hafa þau Gomez og Weeknd ekki mikið verið að því og eru dugleg að birta myndir hvort af öðru á samfélagsmiðlum.

Nýlega sáust þau á uppistandi í Hollywood þar sem þau héldu hvort utan um annað, hlógu og skemmtu sér konunglega. 

Selena Gomez situr í kjöltu kærasta síns, The Weeknd. Skjáskot/Instagram