Fagnaði 54 ára afmælinu nakinn

Bandaríski leikarinn John Stamos fagnaði 54 ára afmæli sínu með því að birta nektarmynd af sjálfum sér á Instagram.

„54 ára og hreinn. Takk fyrir afmæliskveðjurnar!“ skrifaði hann undir myndina þar sem hann stendur í útisturtu sem staðsett er í gróskumiklum garði. 

Aðdáendur hans voru ekki lengi að hrósa leikaranum fyrir útlit hans þar sem ein kona sagði hann vera alveg jafnkynþokkafullan og hann var þegar hann var tvítugur.

Stamos er þekktastur fyrir hlutverk sitt í sjónvarpsþáttunum Full House sem voru gífurlega vinsælir á tíunda áratugnum. Hann hefur einnig komið fram í fjölmörgum kvikmyndum og sjónvarpsþáttum.

• Blogga um frétt