Býður kettinum á leiksýningu sína

Stefán Karl Stefánsson vinnur hörðum höndum að því að búa sig undir frumsýningu leiksýningar hans og Hilmis Snæs Guðnasonar, Með fulla vasa af grjóti, í lok mánaðarins.

Í gær birti Stefán myndband af sér þar sem hann reynir að bjóða ketti sínum, Rúfusi, á leikritið en hann virðist frekar áhugalaus.

Þetta er í þriðja skiptið sem verkið er sett upp hér á landi en leikritið var fyrst frumsýnt árið 2000 við frábærar undirtektir. 

Þó svo að Rúfus sé ekki spenntur fyrir leikritinu má ætla að þær tíu sýningar sem haldnar verða í Þjóðleikhúsinu verði þéttsetnar. 

Hér fyrir neðan má sjá myndbandið í heild.

Stefán Karl Stefánsson og Hilmir Snær Guðnason í leiksýningunni Með fulla vasa af grjóti þegar hún frumsýnd árið 2000. mbl.is/Árni Sæberg

Sýningin var geysivinsæl fyrir 17 árum og má áætla að hún verði það aftur í ár. mbl.is/Árni Sæberg

• Blogga um frétt