Söngvarinn Charles Bradley er látinn, 68 ára að aldri. Bradley vann sér til frægðar á sínum seinni árum en hann er nú látinn úr krabbameini. Bradley kom fram á tónlistarhátíðinni Secret Solstice í Reykjavík árið 2015.
Bradley var meðal annars þekktur fyrir James Brown eftirhermur sínar og gekk stundum undir gælunafninu „öskrandi örn sálartónlistarinnar.“ Hann gaf út sína fyrstu plötu, No Time For Dreaming, árið 2011 þá 62 ára að aldri.
Bradley snéri fyrir ekki alls löngu aftur fram á sjónarsviðið eftir að hafa barist við krabbamein í maga um nokkurra ára skeið. Söngvarinn féll frá aðeins tveimur vikum eftir að aflýsa þurfti tónleikum á tónleikaferðalagi söngvarans vegna veikinda hans.
Á lífsleiðinni fékkst Charles Bradley við ýmis konar verkefni og bjó hann um hríð á götunni. Bradley hreifst á unglingsárum að söngvaranum James Brown og fetaði sína slóð í tónlistinni undir hans áhrifum. Hann landaði loks plötusamningi við upphaf þessarar aldar og gaf út nokkur lög áður en hans fyrsta plata kom út, rúmum áratug síðar.