Breski leikarinn Roy Dotrice er látinn en hann lést á heimili sínu í London 94 ára að aldri samkvæmt Daily Mail.
Dotrice var einna þekktastur fyrir hlutverk Leopold Mozart í Óskarsverðlaunamyndinni Amadeus. Dotrice fór einnig með hlutverk Hallyne í annarri þáttaröðinni af Game of Thrones.
Dotrice var upprunalega ráðinn í hlutverk Grand Maester Pycelle í þáttunum en vegna heilsufars þurfti hann að hætta við og lék Julian Glover persónuna á árunum 2011 til 2016.
Dotrice fékk margar viðurkenningar á leikferli sínum þar á meðal Tonyverðlaun árið 2000 fyrir hlutverk sitt í A Moon for the Misbegotten sem sýnt var á Broadway.