Raunveruleikastjarnan Khloé Kardashian virðist eitthvað hafa átt við mynd af sér sem hún birti á Instagram um daginn. Netverjar hafa furðað sig á því hversu ólík hún er sjálfri sér.
Raunveruleikastjarnan er ekki saklaus af því frekar en aðrir í fjölskyldunni að hafa látið lýtalækna og aðra sérfræðinga laga sig. Myndin umtalaða virðist hins vegar vera unnin í tölvu.
Fylgjendur benda á að nef hennar líti út fyrir að vera skrítið enda er það ólíkt því sem er á eldri myndum. Myndin sýnir vel hve mikið er hægt að breyta einni manneskju með tölvu þó svo að það sé og hafi kannski líka verið gert á læknisstofu.