Söngvarinn Nick Jonas sem sló í gegn með Jonas Brothers er orðinn 25 ára og fluttur að heiman en fær mömmu sína enn til að þvo af sér.
Jonas var í viðtali við E! Online þar sem kom í ljós að hann er enn mikill mömmustrákur. Þegar hann kemur heim eftir löng ferðalög biður hann mömmu sína um að þvo af sér. „Hún gerir það í hvert skipti með bros á vör,“ sagði Jonas.
Jonas segir að nú þegar bræðurnir fjórir eru fluttir að heiman nýtir mamma þeirra hvert tækifæri sem henni gefst til að fara í mömmuhlutverkið.