Pink ögraði þyngdaraflinu með Íslandsvinum

Söngkonan Pink valdi sér óvenjulegan stað til þess að koma fram á Bandarísku tónlistarverðlaununum í gær. Í stað þess að syngja á sviðinu kom hún fram á vegg háhýsis. 

Pink er þekkt fyrir töffaraskap og kemur því ekki á óvart að hún hafi ákveðið að koma fram í háloftunum. Söngkonunni gekk vel að syngja á hliðarvegg JW Mariott-hótelsins sem eu 34 hæðir. 

Pink kom fram ásamt dönsurum en þau voru að sjálfsögðu föst í línu sem gerði þeim kleift að sveifla sér og fara í hálfgerð heljarstökk. Fimm dagar fóru í það að æfa atriðið. 

Bandaloop á Íslandi. mbl.is/Eggert Jóhannesson

Pink vann atriðið í samstarfi við Bandaloop sem er hópur sem sérhæfir sig í því að dansa á byggingum. Hópurinn kom fram á Listahátíð í Reykjavík fyrir tveimur árum en þá dansaði hópurinn á gamla Morgunblaðshúsinu í Aðalstræti. 

• Blogga um frétt