Margir aðdáendur söngkonunnar Miley Cyrus töldu hana vera ólétta eftir að það vottaði fyrir örlítið stærri maga en vanalega á mynd þar sem hún var að undirbúa sig fyrir afmælið sitt.
Cyrus fagnaði 25 ára afmæli sínu í gær, fimmtudag, og birti mynd við tilefnið. Á myndinni er Cyrus í stórum gráum bol og glittir í myndarlegan maga.
Cyrus hefur hins vegar neitað orðrómnum samkvæmt E! Online. Hún segist ekki vera ólétt hún hafi bara borðað mikið en í gær var ekki bara afmæli söngkonunnar heldur héldu Bandaríkjamenn upp á þakkargjörðarhátíðina. Cyrus er vegan og borðaði því engan venjulegan kalkún eins og hefð er fyrir.
A post shared by Miley Cyrus (@mileycyrus) on Nov 22, 2017 at 7:48pm PST