Veitingastaðurinn O'naturel er óvenjulegur fyrir þær sakir að að gestir staðarins borða naktir. Þetta er ekki fyrsti veitingastaðurinn með þennan undarlega sið en nektarveitingastaði má finna víða um heim.
Mike og Stephane Saada eru 42 ára tvíburar sem sáu viðskiptatækifæri í því að opna nektarveitingastað. Veitingastaðurinn er staðsettur í rólegri götu í Suðvestur-París.
O'naturel er bara opinn á kvöldin og er boðið upp á klassískan franskan mat og er meðal annars humar, foie gras og sniglar á matseðlinum.