Homme biðst afsökunar

Söngvari hljómsveitarinnar Queens of the Stone Age, Josh Homme, hefur beðist afsökunar eftir að hafa sparkað í höfuð ljósmyndara á tónleikum í Los Angeles um helgina. 

Chelsea Lauren birti myndskeið á samfélagsmiðlum þar sem Homme sést sparka í hana þegar hún tók mynd af hljómsveitinni við sviðið á laugardagskvöldið.

„Nú þarf ég að eyða nóttinni á bráðamóttökunni. Í alvöru hver gerir svona lagað,“ skrifar hún. 

Í yfirlýsingu biðst Homme afsökunar og segir að hann myndi aldrei viljandi meiða einhvern.

Lauren segir aftur á móti í viðtali við Variety-tímaritið að hann hafi greinilega sparkað viljandi í hana. Hún ætlar að leggja fram kæru, segir í frétt BBC.

• Blogga um frétt