Tónlistarmaðurinn Robbie Williams svaf bara hjá þremur af fimm kryddpíum. Margir héldu að tónlistarmaðurinn hefði sofið hjá öllum nema einni enda lýsti hann því yfir á tónleikum.
The Sun greinir frá því að hann hafi hins vegar sofið hjá þremur en ekki fjórum eftir að hann greindi frá því að þetta hefði verið grín. „Dömur mínar og herrar, ég er svo heppinn að vera sá eini í heiminum sem hefur bæði verið í Take That og í fjórum af fimm af Kryddpíunum,“ sagði Williams á sviði og fannst greinilega fyndið að gera grín að þessu.
Hann var minntur á það í viðtalinu að Mel B sagðist aldrei hafa sofið hjá honum. Var þá bara Victoria Beckham eftir. Williams sagði að þetta hefði verið grín og fólk ætti að vita hverjar þær væru.