Sagði kynningarnar ekki pólitíska pistla
Setja bókamerki
Skorað var á Gísla Martein Baldursson á samfélagsmiðlinum Twitter úr ýmsum áttum, um að nefna ástandið á Gaza-svæðinu og meðferð Ísraela á Palestínumönnum, áður en komið var að atriði Ísraels í Eurovision í kvöld.
Gísli svaraði fyrr í dag þessum áskorunum með þeim hætti að kynningar hans á lögunum væru ekki pólitískir pistlar, heldur ættu fyrst og fremst að vera upplýsandi og skemmtilegar.
„En þær eru auðvitað ekki ónæmar fyrir því sem er að gerast í heiminum,“ bætti hann við.
Fjallar ekki um Palestínumenn
Úr varð svo að Gísli skaut nokkuð fast á Ísraelsmenn í kynningu sinni þar sem hann lét eftirfarandi orð falla:
„Öfugt við það sem margir vafalaust telja fjallar lagið „Set me free“ ekki um þá Palestínumenn sem eru fangar í eigin landi í landtökubyggð Ísraela heldur er þetta klassískt ástarlag. Við fáum hér eldvörpur og sprengjur en með áberandi minni hætti en áður hjá Ísraelsmönnum; hugsanlega eru þeir uppteknir við að beina sprengjunum í aðrar áttir þessa dagana.“
Hér að neðan má sjá brot af umræðunni á Twitter áður en keppnin hófst:
Hér má svo heyra kynningu Gísla Marteins:
Nokkur fjöldi fólks fagnaði þessu framtaki í kjölfarið:
Misjafnar skoðanir voru svo um lagið sjálft:
Ók á ofsahraða á móti umferð og uppi á stétt
Þetta eru hjólaframkvæmdirnar sem unnið er að
Eru að vakta stöðuna í bólusetningum barna
Fimm dauðir hvolpar fundust í poka
Fjöldi brota ríflega sexfaldaðist
Laugavegur hjólaferðamannsins að fæðast
Breytingar á skipulagi fréttadeildar RÚV