Bandaríski leikarinn Louis Gossett Jr. er látinn 87 ára að aldri. Gossett lést í Santa Monica í Kaliforníu, að því er segir í tilkynningu frá fjölskyldu leikarans.
Hann hlaut Óskarsverðlaun árið 1983 fyrir hlutverk sitt í kvikmyndinni An Officer and a Gentleman. Hann varð þá fyrsti svarti maðurinn til að hljóta Óskarsverðlaun fyrir besta leik í aukahlutverki. Einnig hlaut hann Emmy-verðlaun fyrir hlutverk sitt í sjónvarpsþáttunum Roots.
Gossett fæddist í Brooklyn árið 1936 og tók fyrstu skref sín á Brodway aðeins 17 ára gamall. Leiklistarferill hans spannar 70 ár og hefur hann leikið í fjölda sjónvarpsþátta og kvikmynda á ferlinum.
Gosset lætur eftir sig tvo uppkomna syni og nokkur barnabörn.