Gamanleikkonan Kristen Wiig brá sér í hlutverk gestastjórnanda Saturday Night Live síðastliðið laugardagskvöld. Var þetta í fimmta sinn sem Wiig stýrir hinum sívinsæla gamanþætti, en fimmta skiptið hefur lengi verið stór stund fyrir gestastjórnanda þáttarins.

Wiig, sem skaust upp á stjörnuhimininn sem hluti af leikarahóp Saturday Night Live á árunum 2005 til 2012, var innleidd í afar eftirsóttan og fámennan félagsskap, hinn svokallaða Five-Timers klúbb. Wiig er sjöunda konan til að hljóta slíka viðurkenningu, en leikkonan Candice Bergen var fyrst kvenna til að hljóta inngöngu í klúbbinn árið 1990. 

Margir af þekktustu leikurum Hollywood og liðsmenn elítuklúbbsins voru mættir til að fagna áfanganum með Wiig, en meðal þeirra voru Matt Damon, Jon Hamm, Martin Short, Paul Rudd og Ryan Gosling, en sá afhenti Wiig Five-Timers jakkann.

Wiig sýndi og sannaði að hún hefur engu gleymt þegar hún rifjaði upp marga af sínum þekktustu karakterum. 

Tengdar fréttir

Poppkúltúr

Skilnaðurinn eyðilagði metið

• Pierce Brosnan nær óþekkjanlegur
• Ber sama nafn og vinsælasta poppstjarna í heimi
• Laufey fagnar 25 ára afmæli
• Kryddpían Mel B átti í fimm ára sambandi við konu

» Fleiri tengdar fréttir

• Blogga um frétt