Svala Björgvins: „Með attitude og swag“

Guðbjörg Viðja Antonsdóttir bar sigur úr býtum í ofureinvígi í sjónvarpsþáttunum The Voice Ísland sem sýndir eru í Sjónvarpi Símans. Þar mætti hún Jónu Öllu Axelsdóttur og Freyju Gunnarsdóttur og saman sungu þær lagið Say My Name með sönghópnum Destiny‘s Child.

Viðja, eins og hún er gjarnan kölluð, ákvað að taka þátttökuna í The Voice af fullum krafti og flutti suður til að geta sinnt prufum og æfingum enn betur. Til að byrja með bjó hún hjá frænku sinni í Vesturbænum en stundar nú nám við Menntaskólann á Laugarvatni og treystir á bróður sinn og herbergisfélaga til að keyra sig í bæinn á æfingar þar sem hún er ekki komin með bílpróf, nýorðin 17 ára gömul.

Óvænt eldri systir

Viðja hefur eitthvað komið fram og sungið með systkinum sínum, en systkinahópurinn stækkaði nýverið á óvæntan hátt. „Við erum fjögur, vorum þrjú þar til í hitteðfyrra. Það hringdi stelpa í pabba minn og spurði hvort hann vildi fara í faðernispróf og það kom í ljós að hann var pabbinn. Önnur systir mín, Dana, þekkti hana. Þær höfðu verið saman í Menntaskólanum á Akureyri, voru ágætisvinir og höfðu eitthvað verið spila saman tónlist.“

Það eru ekki margir söngvarar sem treysta sér í að feta í fótspor Freddy Mercury, en Viðja ákvað að gera það í söngkeppni framhaldsskólanna, ásamt bróður sínum og fleiri samnemendum. Saman sungu þau lagið Somebody to Love, eitt af þekktari lögum kappans og hljómsveitar hans Queen.

Keppti á landsmóti harmonikkuunnenda

Söngur er ekki eina sviðið í tónlist sem Viðja skín á, auk söngsins hefur hún lært á fiðlu, píanó og harmonikku og er sjálflærð á gítar. Harmonikkan vekur sérstaka athygli því hún verður að teljast til óvenjulegri hljóðfæra fyrir ungt fólk að velja að læra á.

„Afi minn spilaði á harmonikku, ég bjó á Dalvík og það er mikill harmonikkuunaður í samfélaginu þar svo einhvern veginn leiddist ég í þetta. Ég hafði lært á píanóið svo ég þurfti bara að læra á bassann og draga sundur og saman auðvitað, mér finnst það mjög gaman. Ég hef meira að segja keppt á landsmóti íslenskra harmonikkuunnenda.“

Tölvugerð tónlist heillar

Viðja hefur samið nokkur lög, meðal annars fyrir skólaverkefni, en er ekki enn komin á þann stað að vera nógu ánægð með efnið og átt nógu mikið til að gefa út. „Mig langar að búa til ótrúlega tilfinningaríka tónlist. Það eru margir íslenskir tónlistarmenn sem hafa haft mikil áhrif á mig. Eins og hljómsveitin Vök, tónlistin þeirra er einmitt mjög tilfinningarík. Tölvugerð tónlist heillar mig, falleg tónlist sem er gerð í tölvu en er auðvelt að færa yfir í gítar eða acoustic.“

Hlutirnir hafa breyst hratt og mikið á síðustu mánuðum að sögn Viðju, sem segir símann og Facebook hafa farið á fullt strax eftir að áheyrnarprufan var sýnd. Hún stefnir ekki á að gefa neitt út sjálf á næstunni, ekki fyrr en hún er búin að safna upp efni sem hún er ánægð með. Hún býst við því að koma fram og jafnvel syngja með (feature) í lögum með öðrum tónlistarmönnum.

„Mig dreymir um að verða frægt nafn einn daginn en mig langar að leyfa hlutunum að gerast í rólegheitunum. Ég er ekki að flýta mér neitt, ég er bara 17 ára og hef nógan tíma fram undan.“

mbl.is

Sjana úr Voice gefur út nýtt lag

19.4. Sjana Rut Jóhannsdóttir var að gefa út lagið Bitter Sweet Sound, sem hún samdi sjálf auk þess að leikstýra og klippa tónlistarmyndbandið. Svana vakti mikla athygli í þáttunum The Voice Ísland fyrir sérstaka og hljómfagra rödd sína. Meira »

Íslensk-þýskur strákur í Voice Kids

25.2. Leon Fehse er 14 ára gamall af þýsk-íslenskum uppruna og mikill tónlistarunnandi. Hann er búsettur í Þýskalandi og komst á dögunum áfram í sjónvarpsþáttunum The Voice Kids Germany. Áheyrnarprufuna má heyra í myndskeiði sem fylgir fréttinni. Meira »

Karitas átti ekki von á sigri

6.2. „Ég er enn að átta mig á þessu, ég var einhvern veginn aldrei á þeim stað í hausnum að ég væri að fara að taka þetta og eins klisjulega eins og það hljómar þá er þetta „life changing“ fyrir mig,“ segir Karitas Harpa sem vann The Voice Ísland síðastliðinn föstudag. Meira »

Hjörtur syngur um missi

6.2. Hjörtur Traustason, sigurvegari fyrstu þáttaraðar The Voice Ísland, sneri aftur í úrslitaþátt annarrar þáttaraðar og söng frumsamið lag. Lagið er um missi og söknuð og byggist á áföllum í lífi Hjartar. Hann hefur lengi unnið í laginu og á einar 20 útgáfur af því. Meira »

Salka og Helgi saman á Voice-sviðinu

6.2. Þjálfararnir Salka Sól og Helgi Björns tóku saman lagið í úrslitaþætti The Voice Ísland sem fór fram sl. föstudagskvöld. Helgi steig fyrstur á svið og söng lagið Þú og ég með Hljómum, Salka bættist síðan við og lagið breyttist yfir í Ég elska alla með sömu sveit. Meira »

Svala: „Mann langar að knúsa þig“

5.2. „Ég sagði honum að ímynda sér að hann væri að fara á djammið og ég held að það hafi heppnast,“ sagði Unnsteinn um flutning Sigurjóns á laginu Án þín með Trúbrot í úrslitaþætti The Voice Ísland. Meira »

Svala: „Manni hlýnar í hjartanu“

4.2. „Ég vil heyra þetta lag með þér í útvarpinu á morgun, þetta er svo flott,“ sagði Svala Björgvins um flutning Þórdísar Imsland á laginu Send My Love með Adele í úrslitaþætti The Voice Ísland. Meira »

Svala og Unnsteinn á sviði

4.2. Svala Björgvins og Unnsteinn Manúel slógu í gegn þegar þau stigu saman á svið í úrslitaþætti The Voice Ísland, þar sungu þau saman lagið No Ordinary Love með Sade. Flutninginn í heild sinni má sjá í myndskeiði sem fylgir fréttinni. Meira »

Liverpool-lagið á Voice-sviðinu

4.2. Arnar Dór söng lagið You Are So Beautiful í fjögurra manna úrslitum The Voice Ísland. Tilfinningaþrunginn flutningurinn skilaði honum sæti í tveggja manna úrslitum þar sem hann söng You‘ll Never Walk Alone. Bæði atriðin má sjá í myndskeiðum sem fylgja fréttinni. Meira »

Karitas sigraði í Voice Ísland

3.2. Karitas Harpa Davíðsdóttir vann aðra þáttaröð The Voice Ísland. Hún söng lagið My Love með Sia og gerði það með glæsibrag, eins og sjá má í myndskeiðinni sem fylgir fréttinni. Meira »

Lið Svölu syngur fyrir Þórdísi

3.2. Svala Björgvins og lið hennar tóku saman lagið California Dreaming til að sýna Þórdísi Imsland stuðning fyrir úrslitaþátt The Voice Ísland, en hann fer fram í kvöld. Flutninginn í heild sinni má sjá í myndskeiði sem fylgir fréttinni. Meira »

Úrslit The Voice ráðast í kvöld

3.2. Úrslitaþáttur The Voice Ísland fer fram í kvöld. Þar mætast þau Þórdís, Arnar, Karitas og Sigurjón og keppast um að syngja sig inn í hug og hjörtu þjóðarinnar sem kýs sigurvegara í símakosningu. Auk keppandanna stígur Hjörtur Traustason sigurvegari fyrstu þáttaraðarinnar á svið, sem og þjálfararnir. Meira »

Á bleiku skýi með kokteil og kettlinga

31.1. Þórdís Imsland söng lagið Somewhere Over The Rainbow í undanúrslitum The Voice Ísland. Þjálfararnir voru allir mjög hrifnir og hafa líklega sjaldan notað jafnskrautlegt myndmál til að lýsa ánægju sinni á einum flutningi. Meira »

Hugrakkt að taka þetta lag

28.1. „Það að þú getir farið inn í tilfinninguna og sungið hana svona út, það er heiður að upplifa það hérna,“ sagði Unnsteinn um flutning Arnars Dórs á laginu Creep með Radiohead. Arnar var einn fjögurra söngvara sem voru kosnir áfram í úrslitaþátt The Voice. Meira »

Svala Björgvins: „Fórst á flug!“

30.1. Sigurjón ákvað að hleypa sínum innri Eurovision aðdáanda lausum og söng lagið Heroes, sigurlag keppninnar 2015 í undanúrslitum The Voice. Salka var sérstaklega hrifin af djúpu tónunum í röddinni og lagði til að Sigurjón tæki Johnny Cash í úrslitaþættinum. Meira »

Helgi Björns: „Þú átt heima þarna“

28.1. Þú átt heima þarna [á sviðinu], næsta skref er að fara í Ikea og kaupa rúm og sófa,“ sagði Helgi Björns um flutning Karitasar á laginu Something‘s Got a Hold on Me með Etta James. Meira »