Japönsk kýr flýði sláturhúsið

Kýr, sem átti að setja í sláturhús í bænum Yakkaichi í Japan, slapp laus og hljóp með tugi lögreglumanna á eftir sér nærri 6 km vegalengd. Maður, sem varð í vegi kýrinnar, lenti á sjúkrahúsi en flóttakýrin fékk heldur dapurleg örlög.

Sjónvarpsstöðin NHK sýndi myndir úr öryggismyndavélum en á þeim sást kýrin rása yfir bílastæði og stökkva síðan niður götu. Lögreglubílar veittu henni eftirför.

Vegfarandi reyndi að stöðva dýrið en kýrin snérist til varnar og maðurinn lá meðvitundarlaus eftir. Eltingaleiknum lauk þegar kýrin stökk beint á grindverk og drapst.

mbl.is

Bloggað um fréttina