Trúlofunarhringur út í bláinn
Setja bókamerki
Tæplega þrítugur veggfóðrari í London, Lefkos Hajji, ætlaði að biðja unnustu sinnar, Leanne, á frumlegan máta, en tækifærið gekk honum úr greipum - og sveif út í bláinn.
Hajji er 28 ára og á heima í Hackney í Austur-London. Leanne er 26 ára.
Hajji kom trúlofunarhringnum, sem hann ætlaði að gefa Leanne um leið og hann bæri upp bónorðið, fyrir innan í blöðru sem fyllt var með helíum. Ætlaði Hajji að stinga á blöðruna um leið og hann bæði Leanne.
Hringinn keypti hann fyrir sem svarar um 850.000 krónur.
En þegar Hajji kom út úr versluninni með hringinn í blöðrunni kom vindhviða og svipti blöðrunni úr höndum hans og feykti henni út í bláinn.
Í tvo tíma reyndi Hajji að eltast við blöðruna á bíl sínum, en án árangurs.
„Ég var viss um að Leanne myndi drepa mig ... En ég varð að segja henni hvernig fór - og hún varð alveg brjáluð. Nú vill hún ekki tala við mig fyrr en ég færi henni nýjan hring.“
Hajji gerir sér enn vonir um að hringurinn skjóti upp kollinum.
„Það væri stórkostlegt ef einhver myndi finna hann,“ sagði Hajji.
Eldgos eða kvikuinnskot yfirvofandi
Komu á stórum gaffallyftara
Vilja selja fyrir tæpa 13 milljarða í Íslandshótelum
Arnar Þór hvergi nærri hættur
Jón hefur engar áhyggjur
Hvetja konur til að hætta notkun getnaðarvarna
Ákall eftir forseta án tengsla við valdöfl og fjármálakerfi