Járnstykki féll af himnum

Lítið járnstykki féll af himnum og í gegnum þak á húsi á Nýja Sjálandi, að því er greint var frá í dag, en ekki er ljóst um hvað er að ræða, eða hvaðan hluturinn er kominn.

Lögreglan gat sér þess upphaflega til að hluturinn hefði fallið úr flugvél, en talsmaður flugmálayfirvalda sagði að svo gæti ekki verið, og taldi líklegra að hluturinn hefði þeyst úr landbúnaðartæki í grenndinni.

Engan sakaði er járnstykkið kom í gegnum þakið á húsi í bænum Whakatu og Norðureyju í gær.

Athugun flugmálayfirvalda leiddi í ljós að ekki gæti verið um að ræða hlut úr flugvél, og flugvirki sem kannaði hlutinn sagði hann ekki vera úr flugvél.

Hluturinn er um 11 sm langur, 4,5 sm breiður og um eitt kíló að þyngd. Hann lítur út fyrir að vera úr pottjárni.

„Við vitum ekki úr hverju þetta er,“ sagði talsmaður lögreglunnar. „Þetta er hið dularfyllsta mál.“

• 5 blogg um fréttina

Bloggað um fréttina

• Aðalsteinn Baldursson: Ofankoma.
• Jón Rúnar Ipsen: Ætli
• Þórey Birna Jónsdóttir: Himininn er að hrynja!
• Ólafur Björnsson: There's something out there...
• Jenný Anna Baldursdóttir: Í höfuðið á mér