Andmælir kynskiptiaðgerð fanga

Yfirmaður fangelsismála í Massachusett ríkis í Bandaríkjunum segir að það myndi valda óyfirstíganlegum vandamálum og ógna öryggi í fangelsi ef dæmdum morðingja verður veitt heimild til þess að fara í kynskiptiaðgerð.

Þetta kom fram í máli Harold Clarke, yfirmanns fangelsismála, fyrir rétti í vikunni þar sem tekin var fyrir beiðni Michelle Kosilek, áður Robert Kosilek, sem situr inni fyrir morð, um að fá að fara í kynskiptiaðgerð. Segir Clarke að ef Kosilek verði veitt heimild til þess að fara í aðgerð þar sem hann yrði að konu myndi valda ólgu í fangelsinu og hætta væri á að hann yrði fyrir kynferðislegu ofbeldi af hálfu annarra fanga. 

Robert Kosilek var dæmdur í lífstíðarfangelsi árið 1990 fyrir að myrða eiginkonu sína. Robert breytti nafni sínu í Michelle árið 1993 og hegðar sér líkt og kona í fangelsinu í Norfolk en þar eru einungis karlkynsfangar.