Hamborgari á 13.000 krónur

The Wall Street Burger Shoppe í New York hefur hækkað verðið á dýrasta hamborgaranum á matseðlinum í 175 dollara (rétt tæpar 13.000 krónur) til að tryggja að hann verði áfram dýrasti hamborgarinn í New York.

Það er netfréttabréfið Pocket Change sem tekur reglulega saman lista yfir það dýrasta í borginni.

„Á Wall Street eru sumir dagar góðir og aðrir slæmir. Við bjóðum upp á hversdagslegan borgara [sem kostar fjóra dollara] ... og svo eitthvað alveg sérstakt ef maður hefur átt alveg sérlega góðan dag á Wall Street,“ segir Heather Tierney, einn eigenda veitingastaðarins.

Borgarinn dýri er úr Kobekjöti, á honum er mikið af svörtum hallsvepp og fois gras, vel þroskuðum Gruyereosti, sveppum og öðru grænmeti. 

Í hverjum mánuði panta 20-25 viðskiptavinir borgarann dýra, sem er borinn fram í betri stofunni á efri hæð veitingastaðarins, en mörg hundruð hversdagsborgarar á fjóra dollara eru bornir fram á neðri hæðinni.

Dýrasti hamborgari í New York. Reuters

• 3 blogg um fréttina

Bloggað um fréttina

• Ómar Ingi: Fyrir þá sem hafa lyst
• Brynja skordal: Hamborgari
• Guðbjörn Guðbjörnsson: Íslendingar borða bara Wall Street hamborgara!