Pósturinn sem aldrei skilaði sér

Skoskur bréfberi, sem starfar í Þýskalandi, lét vera að koma öllum bréfunum til skila og losaði sig við gríðarlega mikið af pósti heima hjá sér. A.m.k. 20.000 bréf og annar póstur skiluðu sér ekki í réttar hendur að sögn lögreglu.

Upp komst um athæfi bréfberans, sem starfaði í Frankfurt, þegar nágranni sá til hans losa sig við bréf í sorptunnurnar. Nágranninn hafði samband við lögregluna í kjölfarið.

Lögreglan sendi frá sér yfirlýsingu þar sem fram kemur að bréfberinn ekki einu sinni nennt að bera út bréf sem voru stíluð á húsið sem hann býr sjálfur í.

Við húsleit fann lögreglan fulla poka og kassa af pósti. Maðurinn tjáði lögreglunni að hann hafi ekki náð að ljúka við að bera út bréfin vegna álags, en hann var í kvöldskóla og því mikið að gera.

Lögregla telur að um 20.000 bréf og annar póstur hafi verið falinn á heimili bréfberans, en maðurinn hóf að safna þessu saman heima hjá sér í ágúst í fyrra. Alls þurfti tvær sendibifreiðar til að fjarlægja póstinn.

• 3 blogg um fréttina

Bloggað um fréttina

• Emil Örn Kristjánsson: Er þetta hægt?
• Birna Guðmundsdóttir: kíki í kaffi hjá póstinum!
• Guðmundur Zebitz: Heilalausir borgarbúar?