Ætla að mótmæla á Íslandi

Tvær konur, sem eru félagar í dýraverndarsamtökunum PETA, stóðu í dag fáklæddar í kuldanum í miðborg Moskvu vildu með því leggja áherslu á baráttu samtakanna gegn loðdýrarækt. Sögðust konurnar vera á leið til Finnlands og Íslands þar sem þær ætla að mótmæla með sínum hætti.

„Elskið okkur, ekki klæðast okkur," stóð á spjöldunum sem þær Lisa Franzetta og Lauren Bowey skýldu nekt sinni með í Moskvu í dag. 

Þær viðurkenndu að þeim væri svolítið kalt, „en það er ekkert miðað við það sem dýrin þurfa að þola. Þau eru í búrum í öllum veðrum. Á sumrin er hræðilega heitt og þeim líður illa í þrengslunum. Á veturna þurfa þau að þola aðstæður eins og þessar," sagði Lauren. 

Lisa er frá Kalíforníu og Lauren er frá Ástralía en á báðum þeim stöðum er nú sumarhiti. 

• 5 blogg um fréttina

Bloggað um fréttina

• Þórarinn M Friðgeirsson: Þetta eru mótmæli að mínu skapi.
• Gunnar Th. Gunnarsson: PETA
• Björn Finnbogason: Týpískt fyrir íslenska fjölmiðla!
• Landsliðið: Góðar konur
• Axel Jóhann Hallgrímsson: Konur án klæða