Lést eftir keppni í pönnukökuáti

Sigurvegari í rússneskri pönnukökuátskeppni féll dauður niður eftir að hafa troðið í sig 43 pönnukökum með banana og rjóma. Boris Isayev, sem var 48 ára gamall og frá vesturhluta Rússlands, féll niður á hnén og lést á sviðinu eftir að hafa rennt niður hverri pönnukökunni á fætur annarri í keppni sem var lokapunkturinn í árlegri „Pönnukökuviku“ héraðsins.

„Hann hafði virkilega notið þess að borða pönnukökurnar en svo fór hann að froðufella í munnvikunum og féll niður eins og poki fullur af grjóti,“ segir eitt vitna að atburðinum. „Við höfum áður sé fólk falla í yfirlið [á meðan keppninni stendur].“

Áhorfendur lýstu Isayev sem „virkasta þátttakendanum í keppninni“ og bættu því við að hann hefði „borðað allar gerðir af pönnukökum sem voru í boði og unnið réttmætan sigur.“

Nákvæm dánarorsök Isayev liggur ekki fyrir en læknar telja að hann hafi kafnað eftir að biti úr pönnuköku festist í hálsi hans.

• 3 blogg um fréttina

Bloggað um fréttina

• Jóna Kolbrún Garðarsdóttir: Allt er best í hófi
• Riddarinn : Já það er nú margt verra en að deyja sem …
• Jóhanna Sigrún Jónsdóttir: Keppnis-skap